- HOMERITAE
- HOMERITAEPlin. l. 6. c. 28. Ptol. Regno di Aden Castaldo ex tab. Geographicis, populi et regio Arabiae felicis in ora ad Ort. extra fauces sinûs Arabici. Quorum regia Arabiae empor. Pop. Aethiopiae Steph. Circumcisos eos, tradit Epiphan. Haer. 30. prope sin. Cum Homeritis Aethiopibus, qui Christianis erant ὁμόδοξοι, voluisse Iustinianum Imp. pactum inire, ut ab Indis ipsi metaxam mercarentur Romanisque venderent, ne tam caram speciem et luxui adeo necessariam ab hostibus emere Romani sui cogerentur, narrat Procop. Persicῶn l. 1. Quod consilium maxime agitanti commode sese obtulêrunt duo Monachi ex India revertentes, omnemque serici faciendi rationem Imperatorem docuêre. Vide Salmas. Not. ad Tertullian. de Pallio c. 3. Charibaelis, Regis illorum, simul et Sabaeorum, meminit contemporaneus Scriptor Arrian. ubi de Dioscoridis Ins. agens, Azaniam vocat mare, iuxta quod hi Populi degebant, quod alii Erythraeum proprie dixêrunt, inter Arabicum Sinum et Indicum mare. Vide Salmas. ad Solin. p. 449.
Hofmann J. Lexicon universale. 1698.